Gleði, gleði, gleði

Gleðin, hún er hér!

Hér við Eiðavatn hefur verið mikil gleði í vikunni og ekki síst í dag á sjálfan sparidaginn okkar.

Þvílíkur veislumatur sem hefur verið á boðstólum í allan dag og ekki sér fyrir endann á veislunni.

Í morgun fóru krakkarnir í skemmtilega ferð hér út í rústir, þar sem þau virtu fyrir sér þennan furðulega stað og fóru í leiki. Eftir dásamlegan hádegismatinn var farið að undirbúa guðsþjónustu sem að sr. Þorgeir Arason leiddi. Bænahópur las pistil dagsins, tónlistarhópur leiddi söng og leiklistarhópur sýndi guðspjall dagsins í formi leikþátts. Afskaplega skemmtileg og góð stund sem við áttum öll saman. Krakkarnir tóku bæði virkan þátt og hlustuðu vel.

Það var svo leiklistin sem átti hug okkar allan núna seinnipartinn, en farið var í góða leiki og sérstaklega voru gerðar einbeitingaræfingar, það verða vel einbeittir snillingar sem snúa heim aftur nú á föstudaginn.

Rétt í þessu var hópurinn að halda út í veiðiferð og hver veit - kannski veiða þau eitthvað gott í matinn?

Í kvöld er á dagskránni kvöldvaka og svo á að koma öllum hópnum á óvart með vidjókvöldi - einhvern veginn grunar okkur að það muni verða virkilega óvænt ánægja!

Athugasemdir

[Ingibjörg Jónsdóttir (IP-tala skráð) 26.6.2013 kl. 22:31]

Þetta er greinilega dásamlegur tími hjá ykkur! Takk fyrir að leyfa okkur að fylgjast með :)

Inga, mamma Rakelar Birtu.

[Eygerður (IP-tala skráð) 27.6.2013 kl. 23:50]

Æðislega gaman að sjá myndir og heyra af ykkur :) Takk kærlega fyrir það.

Eygerður mamma Benediktu

[Sigurrós Erla Björnsdóttir (IP-tala skráð) 28.6.2013 kl. 01:16]

Frábært að sjá að gleðin sé við völd og líka gaman að skoða myndirnar :)

Kvwðja Sigurrós mamma Steinunnar Erlu