þriðji flokkur -miðvikudagur

Þetta hefur verið yndislegur dagur hérna hjá okkur á Eiðum. Eftir morgunmat máluðum við grímurnar sem við gerðum í gær. þegar við vorum búin að borða kjötsúpu í hádegismatinn fórum við í ferðalag, keyptum okkur smá sælgæti í sjoppunni og fórum síðan upp í skóg lékjum okkur þar og borðuðum pizzasnúðana sem að Valla og Guðný voru búnar að baka handa okkur. Svo var ferðinni heitið í sundlaugina. Erfiðasta verkefni sundferðarinnar var að reyna að ná börnunum upp úr lauginni. Þegar við komum tilbaka fengum við okkur grjónagraut og slátur sem var vel þegið enda voru allir svangir eftir skemmtilega sundferð. Eftir kvöldmatinn voru börnin að dunda sér og margir skrifuðu bréf til leynivina sinna. Núna er kvöldvöku lokið og börnin búin að fá ávexti í kvöldkaffi. Ætlunin er að senda þau beint í bólið og jafnvel láta þau sofa svolítið lengur ef þau verða ekki vöknuð kl. 8.30.

Gullkorn dagsins . Heyrðu ( talað við dreng) ertu búin að skipta um nærföt? Nei ég skipti aldrei um brók mamma mín gerir það !

Frábær dagur á frábærum stað í frábæru veðri 

     kveðja Magnea

Athugasemdir

[Júlía (mamma Kristínar Birnu) (IP-tala skráð) 1.7.2009 kl. 23:23]

Vá hvað er gaman sérstaklega í svona góðu veðri,og ég veit að það verður svona gaman áfram vonadi verður bara svona gott veður áfram.Og gaman að sjá allar þessar myndir :)

Kær Kveðja Júlía (mamma Kristínar Birnu)

[Borghildur (IP-tala skráð) 2.7.2009 kl. 00:11]

Gleði gleði gleði  kveðja Borghildur

[Svanhvít (IP-tala skráð) 2.7.2009 kl. 10:28]

Þetta er yndislegt, frábært að lesa gullkornin frá börnunum okkar

Vináttukveðjur Svanhvít (mamma Jónu Maríu)