Dagur 4

Þá er enn einn góði dagurinn að kvöldi kominn.

Dagurinn hófst á skemmtilegum "fáránleikum" þar sem m.a. var keppt í skósparki, vítaspyrnukeppni með bundið fyrir augun, eggjaboðhlaupi og hestahlaupi svo fátt eitt sé nefnt. Krakkarnir skemmtu sér konunglega og fóru á kostum.

Eftir að hafa borðað steiktan fisk í hádegismat var farið á fræðslustund. Þar heyrðum við söguna um Pál og Ananías og hvernig andi Guðs starfaði í þeim. Að því loknu bjuggum við okkur til litla krossa og skreyttum þá í öllum regnbogans litum.

Brennókeppnin vinsæla fór fram í dag og á morgun mun sigurliðið keppa við leiðtogana. Sigurvegararnir voru krakkarnir úr herbergjum 4 og 7 og hafa þau lofað okkur því að þau muni fara létt með að sigra okkur leiðtogana. Við skulum spyrja að leikslokum :o)

Pizzan sló svo rækilega í gegn í kvöldmatnum og kvöldvakan ekki síður. Í lok hennar var svo boðið upp á frostpinna sem runnu ljúflega niður.

Nú eru allir komnir í ró og eru leiðtogarnir að lesa og biðja með krökkunum inni á herbergjum fyrir svefninn.

Athugasemdir

[Ásta mamma Ara Björns (IP-tala skráð) 23.6.2011 kl. 23:17]

Gaman að fá að fylgjast með og heyra hvað allir skemmta sér vel og njóta lífsins.

Kv, Ásta mamma Ara Björns

[Eygló (IP-tala skráð) 24.6.2011 kl. 00:33]

Æðislegt að sjá hvað það er skemmtilegt hjá ykkur og hvað þau njóta þess að vera þarna í sumarbúðunum. Það að skoða þessar myndir vekur upp gamlar og góðar minningar úr sumarbúðum. Takk fyrir að leyfa okkur að fylgjast með :)

Kveðja,

Eygló mamma Guðrúnar Adelu